စစ်ကိုင်းတိုင်းဒေသကြီး၊ ကသာခရိုင်၊ အင်းတော်မြို့နယ် ရွှေဘို-မြစ်ကြီးနားကားလမ်းဘေး ဖက်ဆွတ်ကြိုးဝိုင်းအတွင်းရှိ သစ်တောကျွန်း စိုက်ခင်းမှာ မတ်လ ၁၅ ရက် မွန်းလွဲ ၁ နာရီလောက်က တောမီးလောင်မှု ဖြစ်ပွားခဲ့ပါတယ်။
ရွှေဘို-မြစ်ကြီးနားကားလမ်း မိုင်တိုင်အမှတ်၁၄၆/၄ အနီး ဖက်ဆွတ်ကြိုးဝိုင်းအတွင်းရှိ သစ်တောဌာနပိုင် ကျွန်းစိုက်ခင်းမှာ တောမီးလောင်မှုဖြစ်ပွားခဲ့ပြီး အင်းတော်မြို့နယ် မီးသတ်တပ်ဖွဲ့ဝင် ၉ ဦး၊ မီးသတ်ယာဉ် ၂ စီး နဲ့ ငြှိမ်းသတ်ခဲ့ရာ မွန်းလွဲ ၂ နာရီ ၁၅ မိနစ် မှာ မီးငြှိမ်းသတ်နိုင်ခဲ့တယ်လို့ သိရပါတယ်။
မတ်လ ၁၄ ရက်နေ့ညနေပိုင်းကလည်း အင်းတော်မြို့နယ် နဘား-ကသာ မီးရထားလမ်း တံတားအမှတ် ၁၄ ပေါ်ရှိ ဇလီဖားတုံးတွေ တောမီးမှတဆင့်မီးလောင်မှု ဖြစ်ပွားခဲ့တယ်လို့ အင်းတော်မြို့နယ်မီးသတ်စခန်းက မီးသတ်ဦးစီး ဦးလှမျိုးလွင်က ပြောပါတယ်။
ကိုကိုလင်း(အင်းတော်)
The post ရွှေဘို-မြစ်ကြီးနားကားလမ်းဘေးရှိ သစ်တောကျွန်းစိုက်ခင်း တောမီးလောင် appeared first on DVB.
