ရုရှားနိုင်ငံ မြို့တော်မော်စကိုမှာ မေ ၂၉ ရက်နေ့က မုန်တိုင်း ဝင်ရောက်ခဲ့တာကြောင့် အနည်းဆုံး လူ ၁၁ ဦး သေဆုံးခဲ့ပါတယ်။
လူ ၄၀ ကျော်ဒဏ်ရာရရှိခဲ့ပြီး သစ်ပင်တွေ ရာနဲ့ချီ အမြစ်ကနေ ကျွတ်ထွက်ခဲ့တယ်လို့လည်း မော်စကို မြို့တော်ဝန် ဆာဂျီ ဆိုဘရာနင်ရဲ့ တွစ်တာအကောင့်မှာ ဖော်ပြခဲ့ပါတယ်။
လေတိုက်နှုန်း ၁ နာရီကို မိုင် ၅၀ အထိ ရှိတယ်လို့ မိုးလေဝသပညာရှင်တွေက သတင်းထုတ်ပြန်ခဲ့ပါတယ်။
သစ်ပင်တွေ ပြိုလဲတာကြောင့် ကားလမ်းတွေနဲ့ ရထားလမ်းတွေ ပိတ်ဆို့ခဲ့ရပါတယ်။ မော်စကိုမြို့ဟာ နွေရာသီ လေပြင်းတိုက်ခတ်တာ မဆန်းပေမယ့် အခုလို ရာသီဥတု ပြင်းထန်တာမျိုးကတော့ ကြုံခေါင့်ကြုံခဲ ဖြစ်ပါတယ်။
မုန်တိုင်း ဝင်ရောက်တာကြောင့် တနေ့တည်း လူ ၁၁ ဦး သေဆုံးမှုဟာ အနှစ် ၂၀ နီးပါးအတွင်း အမြင့်ဆုံး ဖြစ်ပါတယ်။ ၁၉၉၈ ခုနှစ်ကလည်း မော်စကိုမှာ မုန်တိုင်း တိုက်ခတ်ခဲ့တာကြောင့် ၈ ဦးကနေ ၁၁ ဦးကြား သေဆုံးခဲ့ပါတယ်။
The post မော်စကိုမြို့တွင် မုန်တိုင်းကြောင့် ၁၁ ဦး သေဆုံး (ရုပ်သံ) appeared first on DVB.
