ချင်းတွင်းမြစ်ရေ စိုးရိမ်ရေမှတ်ထက် ၅ ပေကျော်နေ၊ ထပ်တိုးဦးမည်ဟု မိုး/ဇလ သတိပေး

ချင်းတွင်းမြစ်ရေဟာ ထပ်တက်နေပြီး ဒီနေ့မနက်တိုင်းတာချက်အရ မော်လိုက်မြို့မှာ  စိုးရိမ်ရေမှတ်ထက် ၅ ပေ ကျော်လွန်နေတယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာန ဒုတိယညွှန်ကြားရေးမှူးချုပ်က ပြောပါတယ်။

“ဒီနေ့ ၁၀ နာရီခွဲအချိန် တိုင်းထွာချက်တွေ အရ ချင်းတွင်းမြစ်ရေဟာ မော်လိုက်မြို့မှာ စိုးရိမ်ရေမှတ်ထက် ၅ ပေခွဲလောက်၊ ခန္တီးမြို့မှာ စိုးရိမ်ရေမှတ်ထက် ၄ ပေလောက်၊ ကလေးဝနဲ့ မင်းကင်းမှာ ၃ ပေခွဲလောက်၊ ဟုမ္မလင်းနဲ့ ဖောင်းပြင်တို့မှာ ၂ ပေလောက်၊ မုံရွာမှာ ၁ ပေလောက် ကျော်လွန်နေပါတယ်” လို့ ဒုတိယ ညွှန်ကြားရေးမှူးချုပ် ဒေါက်တာ ကျော်မိုးဦးက ပြောပါတယ်။

မနက်ဖြန်မှာတော့ ခန္တီးမြို့မှာ လက်ရှိထက် ၁ ပေခွဲလောက်ထပ်တက်နိုင်တယ်လို့ သူက ပြောပါတယ်။ ပြီးတော့ နောက် ၃ ရက်အတွင်း  ဟုမ္မလင်းမြို့မှာ ၂ ပေခွဲလောက်၊ ဖောင်းပြင်မြို့မှာ ၂ ပေလောက်၊ မော်လိုက်နဲ့ ကလေးဝမှာ ၁ ပေခွဲလောက် ထပ်တက်နိုင်ပြီး မုံရွာမှာတော့ နောက် ၄ ရက်အတွင်း ၁ ပေလောက်ထပ်တက်နိုင်တယ်လို့လည်း ဒေါက်တာ ကျော်မိုးဦးက ဆက်ပြောပါတယ်။

The post ချင်းတွင်းမြစ်ရေ စိုးရိမ်ရေမှတ်ထက် ၅ ပေကျော်နေ၊ ထပ်တိုးဦးမည်ဟု မိုး/ဇလ သတိပေး appeared first on DVB.