တိုင်ဖွန်းမုန်တိုင်းကြောင့် တရုတ်နိုင်ငံတွင် အဆောက်အဦများ ပျက်စီး၊ လမ်းများရေလျှံ (ရုပ်သံ)

တိုင်ဖွန်းမုန်တိုင်း မာရီယာနဲ့ မိုးသက်မုန်တိုင်းတွေ တိုက်ခတ်နေတာကြောင့် တရုတ်နိုင်ငံ နေရာတော်တော်များများမှာ အဆောက်အဦတွေ ပျက်စီးနေပြီး လမ်းတွေလည်း ရေလျှံနေပါတယ်။

တရုတ်နိုင်ငံ အနောက်တောင်ပိုင်း စီချွမ်ပြည်နယ်မှာ မိုးသည်းနေတာ ရက်ကြာနေပြီဖြစ်လို့ ပြည်နယ်ထဲက မြစ် ၁၈ စင်းဟာ ပြီးခဲ့တဲ့ ၂၄ နာရီအတွင်း စိုးရိမ်ရေမှတ်အထက်ကို ရောက်ရှိခဲ့ပါတယ်။

စီချွမ်အာဏာပိုင်တွေဟာ ၆ နှစ်အတွင်း ပထမဆုံးအကြိမ်အနေနဲ့ အရေးပေါ်အခြေအနေ တုံ့ပြန်ရေး အဆင့် ၂ အစီအစဉ်ကို ဇူလိုင် ၁၁ ရက်မှာ ချမှတ်ထားပြီးဖြစ်ပါတယ်။

ဒေသခံတွေကို ဘေးလွတ်ရာ ပြောင်းရွှေ့ပေးဖို့ မီးသတ်သမားတွေနဲ့ ရဲတပ်ဖွဲ့တို့ အသင့်ရှိနေပြီး ကယ်ဆယ်ရေးလုပ်မယ့် နေရာတွေမှာ ရာဘာလှေတွေနဲ့ အမြန်လှေတွေကို နေရာချထားတယ်လို့ စီစီတီဗွီသတင်းမှာ ဖော်ပြပါတယ်။

ဒီအတောအတွင်းမှာပဲ တိုင်ဖွန်းမုန်တိုင်း မာရီယာဟာ တရုတ်နိုင်ငံအရှေ့ပိုင်း ဖူးကျန့်ပြည်နယ်၊ လင်ကျန်း စီရင်စုနယ်ထဲကနေ တရုတ်နိုင်ငံ ကုန်းတွင်းပိုင်းကို ဝင်ရောက်ခဲ့တာကြောင့်  ပျက်စီးမှုတွေ ရှိခဲ့ပါတယ်။

ဖူးကျန့်ပြည်နယ်က ဒေသခံတွေဟာ မာရီယာမုန်တိုင်း ကုန်းတွင်းပိုင်းကို ဝင်ရောက်ချိန် ဖြစ်ပွားခဲ့တဲ့ လှိုင်းမြင့်တွေနဲ့ ရေကြီးမှုတွေကို ဗွီဒီယို ရိုက်ကူးခဲ့ကြပါတယ်။

တိုင်ဖွန်းမုန်တိုင်း မာရီယာဟာ အခုနှစ်အတွင်း ၈ ခုမြောက် တိုင်ဖွန်းမုန်တိုင်းဖြစ်ပြီး မုန်တိုင်းဗဟိုချက်အနီးမှာ လေပြင်းအားဟာ တစက္ကန့်ကို ၄၂ မီတာအထိ ရှိခဲ့ပါတယ်။

မုန်တိုင်းကြောင့်ပေါ်လာတဲ့လှိုင်းတွေ ပုတ်လို့ လင်ကျန်းစီရင်စုနယ်၊ တိုင်လူမြို့ကမ်းစပ်က အခြေခံ အဆောက်အအုံတချို့ ပျက်စီးခဲ့ပါတယ်။

လုယွမ် စီရင်စုနယ်မှာတော့ လှိုင်းအမြင့်က ရေကာတာအထိ ကျော်ရိုက်ခဲ့သလို ပင်လယ်အော်ထဲက ငါးဖမ်းလှေတွေလည်း လှိုင်းရိုက်ခံခဲ့ရပါတယ်။

ရှားဖူစီရင်စုနယ်မှာ မီတာနဲ့ချီမြင့်တဲ့ ဒီရေတက်ခဲ့တာကို ဒေသခံတွေ ရိုက်ကူးထားတဲ့ ဗီဒီယိုမှာ တွေ့ရပါတယ်။

မုန်တိုင်းဟာ ကုန်းတွင်းပိုင်းကို ဝင်ရောက်ခဲ့ပြီးတဲ့နောက် ဖူးကျန့်ပြန်နယ်ထဲက မြို့တော်တော်များများမှာ ရေကြီးမှုဖြစ်ပွားခဲ့တယ်လို့ စီစီတီဗွီသတင်းမှာ ဖော်ပြပါတယ်။