မန္တလေးတိုင်းအပါအဝင် ပြည်နယ်တိုင်း ၆ ခုမှာ နေ့အပူချိန်တွေ သိသိသာသာ မြင့်တက်နေလို့ သတိပြုနေထိုင်ကြဖို့ မိုးလေဝသဌာနက သတိပေးလိုက်ပါတယ်။
မေလ ၁၈ ရက်ကစပြီး စစ်ကိုင်းတိုင်းအောက်ပိုင်း၊ မကွေးတိုင်း၊ ရှမ်းပြည်နယ် မြောက်ပိုင်းနဲ့ အရှေ့ပိုင်းဒေသတွေမှာ နေ့အပူချိန်တွေဟာ မေလရဲ့ ပုံမှန်အပူချိန်ထက် ၇ ဒီဂရီစင်တီဂရိတ်ကနေ ၈ ဒီဂရီ စင်တီဂရိတ်အထိ မြင့်တက်နေတာဖြစ်ပါတယ်။
စစ်ကိုင်းတိုင်း အထက်ပိုင်း၊ မန္တလေးတိုင်း၊ ပဲခူးတိုင်း၊ ကချင်ပြည်နယ်နဲ့ ရှမ်းပြည်နယ်တောင်ပိုင်းတို့မှာတော့ မေလရဲ့ ပုံမှန် အပူချိန်ထက် ၅ ဒီဂရီစင်တီဂရိတ်ကနေ ၇ ဒီဂရီစင်တီဂရိတ် အထိ မြင့်တက်နေတာ ဖြစ်ပါတယ်။
အဲဒီပြည်နယ်တိုင်း ၆ ခုမှာ နောက် ၃ ရက်အထိ နေ့အပူချိန်တွေ မြင့်တက်နေဦးမယ်လို့ ခန့်မှန်းထားပါတယ်။