တရုတ်နိုင်ငံရဲ့ ဒေသအတော်များများမှာ ဇူလိုင် ၁ ရက်ကစပြီး မကြံစဖူး ရေကြီးတာတွေ ဆက်ဖြစ်နေတာကြောင့် လူပေါင်း ၁၈ သန်းကျော် ရေဘေးဒဏ် ကြုံတွေ့နေရတဲ့အတွက် ဒေသအာဏာပိုင်တွေက အရေးပေါ် တုံ့ပြန်ရေးကို အမြင့်ဆုံးအဆင့် ထုတ်ပြန်ဆောင်ရွက် နေပါတယ်။
တရုတ်နိုင်ငံတွင်းက မြစ်ပေါင်း ၄၃၃ ခုမှာ ဇွန်လအစောပိုင်းကစလို့ အန္တရာယ်မှတ် ကျော်လွန်ရောက်ရှိပြီး မြစ် ၃၃ ခုကတော့ သမိုင်းဝင်အမြင့်ဆုံး စံချိန်တင်ခဲ့တယ်လို့ ရေအရင်းမြစ်ဝန်ကြီးဌာနက ဇူလိုင် ၁၃ ရက်မှာ ပြောပါတယ်။
သီတင်းပတ်ချီ မိုးသည်းတာက ပြည်နယ်အဆင့် ဒေသ ၂၄ ခုမှာ မြစ်တွေနဲ့ ကန်တွေကို ရေလျှံစေပြီး တမံအများအပြား ကျိုးကောက်ကာ မကြုံစဖူး ရေတွေ ကြီးနေပါတယ်။
ရေကြီးတာကြောင့် နေအိမ် ၇၉,၀၀၀ ဝန်းကျင် ပျက်စီးခဲ့ပြီး ဇွန်လအစောပိုင်းကစပြီး နိုင်ငံတဝန်း ရေဘေးရှောင်ပြည်သူ ၁ ဒသမ ၄၇ သန်း ရှိခဲ့ပါတယ်။
မရပ်မနား မိုးကြီးတာက နိုင်ငံတဝန်း အပျက်အစီးတွေ ထပ်ဖြစ်နိုင်တယ်လို့ ကြိုတင်ခန့်မှန်းထားပြီး ရေကြီးတာကြောင့် ခန့်မှန်းစုစုပေါင်း စီးပွားရေး ဆုံးရှုံးမှုဟာ အမေရိကန် ဒေါ်လာ ၅ ဒသမ ၉၈ ဘီလီယံနီးပါးရှိနိုင်တယ်လို့ တာဝန်ရှိသူတွေက ခန့်မှန်းပါတယ်။
The post တရုတ်နိုင်ငံ၌ မကြံစဖူးရေကြီးပြီး လူပေါင်း ၁၈ သန်းကျော် ရေဘေးသင့် appeared first on DVB.
