မက္ကဆီကိုနိုင်ငံရဲ့ မြို့တော် မက္ကဆီကိုစီးတီးမှာ အာဏာပိုင်တွေက မေလ ၁၄ ရက်မှာ သဘာဝပတ်ဝန်းကျင်ဆိုင်ရာ အရေးပေါ် အခြေအနေ ကြေညာခဲ့ပါတယ်။
ကမ္ဘာ့လူအထူထပ်ဆုံး မြို့တော်တွေထဲက တခုဖြစ်တဲ့ မက္ကဆီကိုစီးတီးမှာ အနီးအနား တောမီးကနေထွက်တဲ့ မီးခိုးတွေက လူ့ကျန်းမာရေးအတွက် အန္တရာယ်ဖြစ်မယ့်အဆင့်ထိ ရောက်အောင် ညစ်ညမ်းစေခဲ့ပါတယ်။
ဒေသခံတွေ အခန်းပြင်ပ လှုပ်ရှားတာတွေ မလုပ်ဖို့၊ လေ့ကျင့်ခန်းတွေ မလုပ်ဖို့နဲ့ ပြတင်းပေါက်တံခါးတွေ၊ တံခါးတွေပိတ်ပြီး အိမ်ထဲမှာပဲနေကြဖို့ သဘာဝပတ်ဝန်းကျင် အာဏာပိုင်တွေက ဒေသခံတွေကို အကြံပြုထားပါတယ်။
အထူးသဖြင့် မွေးကင်းစ ကလေးတွေနဲ့ သက်ကြီးနိုင်ငံသားတွေ၊ နေမကောင်းသူတွေ အိမ်ထဲမှာပဲနေကြဖို့ တိုက်တွန်းထားပါတယ်။
လေထဲကပြာတွေ၊ မီးခိုးတွေကြောင့် မြို့ထဲမှာ မြင်နိုင်စွမ်းက အရင်သီတင်းပတ်တည်းက ကျဆင်းလာခဲ့တာပါ။
ဒါကြောင့် မြို့တွင်း သဘာဝပတ်ဝန်းကျင် ကော်မရှင်ဟာ ဖိအားပေး ခံနေရပါတယ်။ အချင်း ၂ ဒသမ ၅ မိုက်ခရိုမီတာထိသေးတဲ့ အမှုန်တွေ လေထုထဲ ပါတဲ့နှုန်းဟာ ၁ ကုဗမီတာမှာ ၁၅၈ မိုက်ခရိုဂရမ်ထိ ရှိနေတာကို မနက် ၅ နာရီမှာ တိုင်းတာ တွေ့ရှိထားတာပါ။
ကမ္ဘာ့ကျန်းမာရေးအဖွဲ့ကြီးရဲ့ စံသတ်မှတ်ချက်အရ နေ့စဉ် ပျမ်းမျှ လေထုအရည်အသွေး ညွှန်းကိန်းအရ ၂၅ မိုက်ခရိုဂရမ်သာ ရှိသင့်တာမို့ ၆ ဆ ပိုများနေတာပါ။
တချိန်က လူသေလောက်တဲ့ထိ ဆိုးရွားခဲ့တဲ့ မက္ကဆီကိုစီးတီးရဲ့ လေထုအရည်အသွေးဟာ ၁၉၉၀ ပြည့်လွန်နှစ်တွေမှာ အခြေအနေ ပြန်ကောင်းလာခဲ့ပေမယ့် လတ်တလောနှစ်တွေမှာတော့ ပြန်ယိုယွင်းခဲ့ပါတယ်။
အာဏာပိုင်တွေက မက္ကဆီကိုစီးတီးနဲ့ ပတ်ဝန်းကျင် ပြည်နယ်တွေက မီးလောင်မှုတွေကို တိုက်ဖျက်နေချိန်မှာ ပြည်သူတွေကလည်း ကားတွေလျှော့သုံးတာ အပါအဝင် မီးခိုးထွက်အောင် လုပ်တာတွေ လျှော့ချကူညီကြဖို့ သဘာဝပတ်ဝန်းကျင် အာဏာပိုင်တွေက ဒေသခံတွေကို တိုက်တွန်းထားပါတယ်။